paewai o te moana
1. (noun) horizon.
I te takiwā i tukupū ai te kapua pōuri ki te paewai o te moana, ā i te pakarutanga mai o te tūpuhi o te whawhai rāua ko te whakaheke toto ki tō tātou motu nei, tutū ana te puehu, kitea ana te mate me te hē, nā i reira ai maiengi tonu ake te 'Waka' nei i runga i te ngaru o te moana hei tohu mārama rawa, whakakaha i te ngākau o ngā Māori (TWMNT 16/11/1879:269). / At the time when the dark clouds were lowering on the horizon, and when the storm of war and bloodshed burst upon our land and death and destruction were seen, the 'Waka' rose up on the waves as a beacon of enlightenment and encouragement for Māori.
See also paewai
tāhapatū o te rangi
1. (noun) horizon.
Kātahi ka haere, ka tata, ka pā te tāwhiri a te pā, “Haere mai rā e te manuhiri tūārangi, nā taku pōtiki koe i tiki atu ki tāhapatū o te rangi, kukume mai ai ē ī!” (JPS 1893:214). / Then the welcome call of the people in the pā was heard, “Welcome, visitor from afar, my youngest child sought you on the distant horizon and drew thee hither!”
2. (modifier) coming from a distance.
3. (noun) horizon.
Kōkiri ana te haeata i te paerangi, kātahi anō a Herewini ka paku kite atu kua tata a ia ki te ngahere (TWK 52:26). / When the dawn shone on the horizon Herewini finally saw that he was near the forest.
4. (noun) height of one's career, prime - a figurative use.
Paerangi: Ko te taumata o te tangata, e mau ai i ōna tohu e mōhiotia ai ia he rangatira (M 2006:252). / Prime: A person at the height of his career when he shows his attributes as a leader.
Synonyms: aporei, pūharu, poutūmārō, poutūmārōtanga
2. (noun) upper edge of a seine net or sail.
Kua pae tēnei te kupenga o ngā kaumātua ki uta, i kukume ai i roto i ngā tau maha ka taha ki muri. Mate atu he rārangi kaumātua, tū ake he rārangi kaumātua, pupuri tonu i te taura whakamārō o te tahatū o te kupenga me te karihi (TPH 15/4/1901:1). / This fishing net of the elders that has reached the shore was dragged along in the many years that have passed. Ranks of elders have died and others have replaced them and they have continued to hold onto the stretched rope of the upper edge of the net and the sinker.
Synonyms: kahatū
mātāhauariki
1. (noun) layers of cloud above the horizon.
Ko ngā rārangi kapua kei runga ake i te pae, ko te ‘rangi mātāhauariki’ tērā (Te Ara 2011). / The layers of cloud above the horizon are the ‘rangi mātāhauariki’.
Synonyms: rangi mātāhauariki
2. (verb) to be broadside on.
3. (verb) to be horizontal.
Ko ngā rārangi huapae me ngā rārangi poutū o te mea tūturu, ka huapae tonu, ka poutū tonu i te pikitia (RTA 2014:176). / The horizontal lines and the vertical ones of the real thing are horizontal and vertical in the picture.
4. (modifier) horizontal.
Pēhea nei te tā i ngā rārangi huapae me ngā rārangi poutū i tēnā momo tirohanga? (RTA 2014:176). / How should the horizontal and vertical lines be drawn in that type of scene?
5. (noun) horizon, skyline.
Ka haere a Tū-rāhui ki waho whakahāereere ai i te tamaiti; kātahi ka titiro atu ki te rā e whanake ana i te huapae o Te Moana-nui-a-Kiwa (JPS 1913:176). / Tū-rāhui went outside to stroll about with the child. Then he looked at the sun rising on the horizon of the Pacific Ocean.
6. (noun) boom, lower cross member (of a sail).
Ko ngā taura e rua o ngā rā kei te tangata e whakahaere ana ēnā taura, me ngā taura o raro o te rā, o te huapae o raro pērā anō (JPS 1927:356). / The two ropes of the sail were manipulated by one man, also the ropes below the sail, of the lower cross member.
pae
1. (verb) (pāea) to be cast ashore, aground, stranded, wrecked, lie across, surround with a border, horizontal.
Ka kitea te ika moana e pae ana i uta (W 1971:76). / The whale was found stranded on the shore.
Synonyms: tarapiki
2. (verb) (pāea) to demolish, throw down.
Ka pāea te whare, ka tahuna te whare (Tr 1874:49). / The house was demolished and burnt.
3. (verb) (pāea) to measure the circumference (of a tree).
Ka pāea te rākau rā (W 1971:245). / The circumference of that tree was measured.
4. (noun) horizon, perch, rest, orators' bench, orators, transverse supports of the floor of a canoe, step (of a ladder or staircase), shelf, bar (computer) - anything horizontal.
Kei te whakamoemiti atu te manu meroiti nei ki ētahi o ana kaitautoko e whiu mai nei i ngā hua kāramuramu hei oranga mōna kia kaha ai tana korokī i runga i tōna pae (KO 15/5/1885:4). / This small bird is thanking some of its sponsers who have tossed some karamū berries as sustenance so that its call on its perch will be loud.
Synonyms: tau, paenga, pae, whakanā, whakangā, whakatā, taupua, tā, whakamatua, tāoki, okioki
5. (noun) range (series of mountains).
Kia tae koe ki te whā o ngā pae, ka noho ki te whakatā i tō manawa (TP 6/1909:5). / When you reach the fourth range, sit down and rest.
6. (noun) region, direction, vicinity, area.
Ka hemo i te kai, ka haere ki ngā pae o ngā umu rā, hamuhamu ai, ka kite i te mānga aruhe e takoto ana, ka noho, ka kai (TP 6/1909:3). / Being hungry she went to the vicinity of those ovens to scavenge food and when she saw the leftover fern-root lying there, she sat down and ate.
7. (noun) circumference - measured by māro with the arms extended.
He rākau nui, e toru te pae (W 1971:244). / A large tree measuring three fathoms in circumference (W 1971:244).
8. (noun) gums (of the mouth).
Ki te kore e āta horoia ngā niho me ngā pae, tērā pea ka pā he mate ki ngā pae - ka pupuhi, ka wherowhero, ka mamae, ā, ka keha anō te hā (HJ 2012:262). / If the teeth and gums aren't cleaned properly, problems might occur with the gums - they'll swell, become red and painful, and the breath will be foul-smelling.
ripa
2. (noun) boundary, border.
Kua roa kē a Ngāti Toa e noho haumi ana ki ngā iwi o Taranaki ki te raki. Nō aua iwi te rohe e kāpīpiti ana ki te ripa tonga o Ngāti Maniapoto (TTR 1990:297). / Ngāti Toa had long-standing alliances with the tribes of northern Taranaki. Those tribes were adjacent to the southern boundary of Ngāti Maniapoto.
3. (noun) row, rank, line.
He ripa kawau kei runga kei te taumata (M 2004:30). / A row of shags on the sky-line.
Synonyms: kōhangohango, nui, tūtira, tūnga, papanga, raina, rārangi, io, kapa, tawhā, aho, tararau, tatauranga, whakanehenehe, hoe
4. (noun) furrow.
Ki te kotiti te tarakihana e kukume ana i te parau, ka kotiti anō ngā ripa i te whenua (PK 2008:775). / If the tractor pulling the plow goes crookedly the furrow in the ground will also be crooked.
5. (noun) fret (of a stringed instrument).
6. (noun) tab (computers).
rangi mātāhauariki
1. (noun) layers of cloud above the horizon.
Ko ngā rārangi kapua kei runga ake i te pae, ko te ‘rangi mātāhauariki’ tērā. Whai muri i tēnei tūāhua ka pā mai ko te hau makariri o te tonga a Tūtakangāhau. (Te Ara 2013). / Layers of cloud above the horizon are known as 'rangi mātāhauariki'. This situation is followed by the cold south wind Tūtakangāhau.
Synonyms: mātāhauariki
3. (verb) (-na) to disappear below the horizon, disappear below the surface, set (of heavenly bodies).
Ko te tāima tēnei e rumaki ai te wairua, maea rawa atu i te puke ki Ōhau (TTT 1/7/1922:13). / This is the time that the spirit disappears below the surface and eventually emerges at the hill at Ōhau.
Synonyms: whakawhenua
4. (noun) planting.
Ko te kōanga tonu te wā tika mō tēnei mahi, mō te rumaki hua whenua (HM 4/1994:1). / Spring is the correct time for this task, for planting vegetables.
Synonyms: rerenga, whakatō, whakatōtō, whakatōnga, marotiritiri, pounga, ono, whakatiputipu
paewai o te rangi
1. (noun) horizon (looking over the sea).
Puta ake ana te kapua pōuri i te paewai o te rangi, ā kīhai i roa ka pūhia haeretia te kaipuke rā e te tūpuhi rāua ko te marangai, kua paepae haere ki te taha ki ngā toka e tino pakaru ai, e tino mate ai (TWMNT 19/5/1874:118). / Dark clouds appeared on the horizon, and it was not long before that ship was blown by storms and gales, and was cast against the rocks and destroyed.
taha o te rangi
1. (noun) edge of the heavens, horizon.
Ko Kahukura rāua ko Tūāwhiorangi, he atua ēnā, tō rāua matua ko te imurangi e mau mai nā i te taha o te rangi (W 1971:77). / Kahukura and Tūāwhiorangi, those are atua and their father is the fragmentary rainbow that is held on the edge of the heavens.
tūāpae
1. (noun) anything on the horizon.
Ka mea atu ia, "Kia ngaro te tūāpae whenua; ā, ngaro rawa, kātahi ka tukua te punga; kia tawhiti noa atu, ki te au o te moana." (NM 1928:15). / He said, "When the land on the horizon disappears, and is completely out of sight, then the anchor will be dropped; so that we are a long way out, in the open sea."
pae tata
1. (noun) near horizon, near term.
Ko te pae tawhiti whāia kia tata, ko te pae tata whakamaua kia tina (HM 2/1990:2). / Pursue the distant horizon until it's close, the near horizon retain it. (A whakatauākī by Rangi Metekingi of Whanganui encouraging someone to pursue long term goals, but to also retain the medium term ones.)
pae tawhiti
1. (noun) distant horizon, long term.
(ki/kei) Mahurangi: I ētahi wā ki te makere mai tēnei kōrero i te waha o te tangata, e tohu ana kua rere ngā whakaaro o tētahi atu ki te pae tawhiti rā anō, tē whakamau atu ai ki te pae tata. Arā, kua kotiti noa iho ana kōrero, kua kore i hāngai ki te kaupapa (HKK 1999:163). / (ki/kei) Mahurangi: Sometimes when this saying falls from the mouth of a person it is indicating that someone else's thoughts have flown away to a distant horizon, and not remained fixed on the medium term. In other words, what she is saying is way off-track, it is no longer relevant to the topic.
