wāhi
1. (verb) (-a) to break, split, break open, rend, break through, cut (a pack of cards).
Ā i pūhia anō hoki e ia tana raiwhara ki aua Māori, he mea pupuhi ake e ia i roto i te kaipuke, anō ka puta te matā i te papatakahi o te kaipuke, mate rawa atu te tangata i ngā maramara o ngā papa i wāhia ake e te matā o tana pū (TW 6/4/1878:152). / And he also fired his rifle at those natives, firing it inside the ship and the bullet came out on through the deck of the ship, and the splinters of the boards smashed by the bullet of his gun killed a man.
2. (verb) (-a) to partition, subdivide.
Mehemea kāore e whakaae katoa ngā tāngata nō rātou tētahi whenua, me tuku tonu atu e te Kōmihana ki te Tumuaki o te Kōti te rārangi ingoa o ngā tāngata e hē ana, me te tono hoki kia wāhia te whenua (RT 2013:100). / If the people who own a piece of land do not all agree, the Commissioner should submit the list of names of the people disagreeing to the Chief Judge with the request that the land be subdivided.
3. (noun) opening, break.
Synonyms: waha, angotanga, pūwaha, puta, puare, whakatuheratanga, whakapuaretanga, whakatuwheratanga, whakapuare, tomokanga, tāwaha, wāhinga, pūaha, tomotomokanga, pūahaaha, tarawaha, whakatuhera, putanga, wherawhera, whakatuwhera, wherahanga
4. (noun) location, locality, place, part, piece, portion, section, share, segment, allocation.
E rua ngā kōti tēnehi, me tētahi wāhi purei hōkī, otirā he wāhi motuhake mō ngā tini tākaro a ngā tamariki (TTT 1/12/1930:2201). / There were two tennis courts and a place to play hockey, indeed a special place for the many children's games.
Synonyms: taiwhanga, whiu, whakatakoto, whakanohonoho, whakanoho, whakatū, panga, makamaka, maka, whiuwhiu, kopou, piriri, pīhi, ngota, maramara, tūtanga, hea, tiri, tauwāhi, porohanga, mara, anganga, tapahanga, tekiona, kōwaewae, kaupeka, kōwae, moka, kōihi, wae, wāhanga, taha, wawae, kōwai, tūāporo, tekihana, wehenga, whiti, rārangi, tohatoha, toha, tuari, wakawaka
whai wāhi
1. (verb) to participate, take part, have a part - often followed by atu.
Āpiti atu ki tēnei e kore rawa e whai wāhi ki te kura i a ia anō, te tukunga iho ka heke haere tōna pai mō te mahi minita (TKO 30/4/1920:11). / Added to this is that he will never be able to educate himself, with the result that his value as a clergyman will diminish.
Synonyms: pā
2. (noun) small part, small portion.
I te tau 1867, ka whakakorea te raupatu hāunga tētahi wāhi iti nei, i uru atu ai ētahi maramara o te poraka o Kauhouroa (TTR 1998:214). / In 1867 the confiscation had been withdrawn, save for a relatively small area, which included portions of the Kauhouroa block.
3. (noun) minor, slight.
He wāhi iti nei ngā whakatikatika i ngā kupu o te waiata nei kia hāngai ai ki te kaupapa a Ngāti Ruanui (M 2004:366). / There have been some minor alterations in the text to make it agree with the Ngāti Ruanui version.
Synonyms: korokororiki, mātāmuri, itinga, hauiti
wāhi kai
1. (noun) café, restaurant, eating out, cafeteria.
I te tau 2008, e mea ana te kaunihera, e 350 te maha o ngā pakihi tāpoi Māori ki Aotearoa nei. 37 ōrau ō ēnei he haerenga, 15 ōrau he noho, 15 ōrau he toi Māori, 12 ōrau he whakamīharotanga, 11 ōrau he toa hokohoko, 7 ōrau he wāhi kai, 5 ōrau he haerenga mā runga waka, 5 ōrau he haka me te hāngī, 1 ōrau he noho marae (Te Ara 2013). / In 2008 the council noted that there were more than 350 Māori tourism businesses operating in New Zealand. Of these, 37% were guided tours, 15% were accommodation, 15% were arts and crafts, 12% were attractions, 11% were retail, 7% were eating out, 5% were transport, 5% were concerts and hāngī, and 1% were marae stays (Te Ara 2013).
Synonyms: wharekai
wāhi mahi
1. (noun) workplace, work address.
I te tīmatanga, ka noho ngā Māori ki te pokapū taone, he tata hoki ki ngā wāhi mahi – arā ngā wāpu, ngā wheketere, me ngā ahumahi nui (Te Ara 2013). / At first Māori tended to live in inner-city locations because they were close to where workplaces were found – on the wharves, in factories and industries.
wāhi noho
1. (noun) address, home address, living quarters, accommodation.
Nā te mea he tino hē rawa atu te nuinga o ngā wāhi noho o ngā kaikuti hipi Māori, i ngangahau ai a Tūtaki ki te whakapai ake i te āhuatanga noho o aua wāhi (TTR 1996:263). / Because the living quarters of the Māori shearers was so abysmal, Tūtaki was active in working to improve the living conditions of of those places.
Synonyms: wharenoho
wāhi kē
1. (location) somewhere else, elsewhere, another place, a different place - often used like a location word and follows ki, i, kei and hei directly as in this first example.
Kua hītengitengi te whare ki runga i ngā poro rākau - taihoa ka tōia ki wāhi kē (PK 1008:117). / The house has been raised up on logs - soon it will be hauled somewhere else.
Kāore i roa i muri mai, kua nekehia au ki tētahi wāhi kē, kua tītakataka mō te hoki ki te kāinga, ki Nūhaka (HP 1991:221). / Not long after that I was transfered to another place in preparation for the return home to Nūhaka.
wāhi ngaro
1. (noun) hidden realm, world of gods and spirits, divine intervention, heavens.
E ai ki ngā kōrero a te iwi, ko āna mahi kikino e kore e taea e te tangata te whakatikatika, mā te wāhi ngaro rā anō kātahi ka taea (TTR 1990:217). / The oral traditions of the people say his evil activities could never be rectified by a human but only by divine intervention.
wāhi porohita
1. (noun) reserve (land).
E rongo ana mātou he rahi ngā wāhi porohita e hoatu ana ki ngā Māori o Parihaka (TWMNT 19/4/1879:401). / We are hearing that large reserves are being given to the Māori of Parihaka.
Synonyms: whenua tāpui, porohita
wāhi tapu
1. (noun) sacred place, sacred site - a place subject to long-term ritual restrictions on access or use, e.g. a burial ground, a battle site or a place where tapu objects were placed.
Kua tae mai te pitihana a Meiha Te Wheoro ki te Pāremata nei, e tono ana taua pitihana, kia whakapeaua kētia te ara mō te rerewei, i te wāhi tapu i Taupiri, i Waikato (TW 4/11/1876:401). / Major Te Wheoro's petition has reached this Parliament requesting that the route for the railway be diverted away from the sacred place at Taupiri, in Waikato.
Synonyms: ahumairangi
wāhi whakarurunga
1. (noun) defences.
Nō te marangatanga mai o te 300 o ngā hōia o Peretānia ki te taiapu i te pā, e whanga atu ana a Ngāi Te Rangi i ō rātou wāhi whakarurunga. He maha ngā awarua e honohono haere ana i aua wāhi whakarurunga (TTR 1990:126). / When 300 British infantry stormed the pā, Ngāi Te Rangi were waiting in their defences. There were many trenches connecting those defences.
wāhi whenua
1. (noun) land block, section of land.
Nā te kaitohutohu a Te Rata, nā Hōne Ōmipi, i tango mai tētehi wāhi whenua, 10 eka te rahi mō Te Rata i te tahataha rāwhiti o te awa o Waikato (TTR 1996:228). / Te Rata's adviser, John Ormsby, purchased a land block of 10 acres for Te Rata on the east bank of the Waikato River.
