whaikupu
1. (verb) (-tia) to make a formal speech.
(Te Kōhure Textbook (Ed. 2): 243-247;)
Muri mai i tēnā, ka haere ngā tāngata ki raro i te rākau noho ai, kātahi ka tū a Maihi Te Huhu, ka whaikupu atu ki te hunga kua mārenatia (KO 17/3/1887:5). / After that the people went under the tree to sit down and then Maihi Te Huhu stood up and made a speech to the couple who had been married.
See also whai kupu, whaikōrero, whaikī
Synonyms: whaikī, whaikōrero
2. (verb) (-tia) to recommend, make a recommendation.
E whaikupu ana te Komiti kia tino āta whiriwhiria e te Kāwanatanga tēnei pitihana (RT 2013:103). / The Committee recommended that this petition should be carefully considered by the Government.
3. (noun) formal speech.
He maha ō tātou rangatira kua ngaro ki te pō, ā kāore he mea kotahi o rātou i hapa te whaikupu iho ki te iwi (TP 8/1909:1). / Many of our chiefs have gone to the world of the dead and not one of them omitted the speech to the tribe.
See also whai kupu, whaikōrero, whaikī
taunaki
1. (verb) (-tia) to support, recommend, reinforce.
Koinei te wā i uru mai ai Te Tāhūhū o Te Mātauranga me tāna pūtea hei taunaki mai i te kaupapa engari he here anō i runga i taua pūtea rā (HM 2/1997:5). / This was the time when the Ministry of Education entered with its fund to support the project, but there were conditions on that funding.
Synonyms: marohi, tūtohi, whaikupu, tūtohu, whakaū, whakamarohi, whakakaha, aukaha, haukaha
2. (modifier) supporting.
Hāngai pū ana ēnei kupu ki te hunga taunaki mai (HM 3/1990:3). / These words are most appropriate for the supporters.
3. (noun) support, backing, encouragement, recommendation.
E whai nei tātou kia riro ko te reo Māori te reo whakaako i ā tātou tamariki, ā, me taku taunaki i tēnā whakaaro (HM 3/1995:5). / We are endeavouring to have the Māori language as the teaching medium with our children, with my support of that idea.
Synonyms: tautoko, kōkiri, marohi, kupu tohutohu, tohutohu, tūtohunga, kupu whakatau
4. (noun) evidence, testimony.
Ina oti katoa ngā taunaki te homai, ka pātai te Tiati i ngā rōia mehemea he kōrero ā rātou mō te ture e pā ana ki ngā mea e tautohetohetia ana (RT 2013:78). / When the evidence had all been presented the Judge asked the lawyers if they had anything to say about the law concerning the things being debated.
tohutohu
1. (verb) (-a,-ngia,-tia) to instruct, advise, save the life of, spare, preserve, conserve, show, point at, point out, guide, direct.
Nā Māhutonga i tohutohu mai ō koutou tūpuna, me te nui hoki o tō rātou māia, kia whakawhiti ora mai rātou i Te Moana-nui-a-Kiwa, ki tēnei whenua (TP 7/1911:10). / It was the Southern Cross that guided our ancestors and with their bravery they were able to cross the Pacific Ocean safely to this country.
Synonyms: tohu, tuhi, rarawe, whakaatu, tūtohu, rongoā, whakauka, whakatote, rokiroki, whakapounamu, tūtohi, whakahahaki, whakaatuatu, arataki, hura, mataraharaha, whakaariari, tiata, whakaaturanga, whakaari, whakakite, tītohu
2. (verb) (-a) to indicate.
4. (noun) direction, advice, instruction, recommendation.
I ngā wā katoa e pā atu ana ōna ringa ki te tūroro, me horoi ōna ringa ki te wai nei i muri iho. Kauaka tēnei tohutohu e takahia (TRA 1/3/1929:950). / At all times when one's hands touch the patient one must wash one's hands with water afterwards. Do not flout this instruction.
Synonyms: kupu tohutohu, taunaki, marohi, tūtohunga, kupu whakatau
tūtohi
1. (verb) (-a,-tia) to point out, indicate, recommend, prescribe, propose.
2. (verb) (-a,-tia) to receive a proposal favourably, consent to.
Synonyms: tūtohu
4. (noun) chart, table (of data).
Ko te tūtohi: He whakaaturanga o tētahi kohinga tau, kohinga raraunga rānei. He raupapa, he nahanaha te noho mai o ngā tau ki te tūtohi (TRP 2010:300). / A chart, table (of data): A way of showing a collection of numbers or data. A chart or table is ordered and systematic (TRP 2010:300).
marohi
1. (verb) (-a,-tia) to propose, recommend, hypothesise.
Puta noa i tōna wā i te Whare Pāremata, ina tū ana ia ki te marohi i ētahi tono motuhake mō te Māori, ka whiua mai aua whakataunga nei ki tana kanohi (TTR 1994:10). / Throughout his time in parliament whenever he stood to propose special provisions for Māori, those resolutions were hurled back in his face.
2. (stative) be strong, brave, hard, resolute, determined, tenacious.
Ehara a Hēnare i te tangata whakatutū i te puehu, engari he marohi tonu nei ngā whakaaro (TTR 2000:71). / Although not regarded as an activist, Henare had strong views.
See also mārohirohi
Synonyms: rae pakari, ngākau titikaha, manawa rahi, pūtohe, niwha, kiriūka, manawanui, mārohirohi, titikaha, whakakiriūka, pikoni, ū, pūkeke, aumangea, pukunanaiore, tōkeke
3. (modifier) strong, powerful.
He tangata hihiri, he tangata marohi hoki a Tame (TTR 1994:98). / Tommy was an energetic and strong man.
Synonyms: kōmārohi, mārōrō, whakarawarawa
4. (noun) strength, power.
Nā te aupiki o te hoahoa me te mārohi o ngā pakitara i tāpiritia atu he papa anō hei whakakaha, i tū tonu ai tōna whare ahakoa te whānui o te whakangaromanga, kāore i pērā i ētahi atu o ngā whare i reira (TTR 1994:25). / Due to high-pitched roof and the strength of the walls with extra timber to strengthen it, her house remained standing, despite the widespread destruction and unlike some other buildings there.
Synonyms: pū, kaha, tino rangatiratanga, mārohirohi, mana, maru, awe, hiko, ihi, awenga, kōmārohi, mana whakahaere
5. (noun) recommendation, proposal, proposition, suggestion.
Ko ngā whenua ka tukua ki ngā poari kua oti te marohi ka riro tonu mā te kāwanatanga e whakahaere (TTR 1994:53). / Land given up to the boards that had been proposed would be controlled by the government.
Synonyms: taunaki, kupu tohutohu, tohutohu, tūtohunga, kupu whakatau, whakatakoto, kaupapa, whakakaupapa
tūtohunga
1. (noun) recommendation, acknowledgement.
Ina takoto ana te tūtohunga a te Taraipiunara mō tētahi kerēme, ko Te Tari Whakatau Take e pā ana ki te Tiriti o Waitangi ka whakawhitiwhiti kōrero mō tētahi whakataunga i waenganui i te iwi me te Karauna (Te Ara 2014). / Once the Tribunal's recommendation on a claim has been made, the Office of Treaty Settlements negotiates a settlement between the tribe and the Crown.
Synonyms: mihi, taunaki, marohi, kupu tohutohu, tohutohu, kupu whakatau
kupu whakatau
1. (noun) welcoming words, welcoming expression.
I ōna rā, ko Ruawehea te ariki tapairu o Ngāti Hako o Hauraki. Inā ngā kupu whakatau manuhiri ka kuhu ki tōna rohe: "Haere mai, nau mai. Haere mai, kuhu noa mai ki ngā hūhā o Ruawehea." (Te Ara 2015). / In her day, Ruawehea was the high-born woman of the Ngāti Hako tribe of the Hauraki area. Here are the welcoming expressions to visitors entering her territory: "Come forth, welcome. Come forth and enter the thighs of Ruawehea."
2. (noun) decision, judgement.
Ki te oti te whakawā ka puta te kupu whakatau a te Tiati ki te hunga i kitea te tika ki taua whenua (RT 2013:34). / If the judicial hearing is completed the Judge's decision revealing the rights to that land is delivered to the group.
Synonyms: whakataunga, whakawā, kōtitanga, whakawākanga
3. (noun) recommendation, report.
Kei te takoto tonu taua whenua i raro i te tikanga Māori, nō reira ka kore he kupu whakatau a tēnei Komiti (RT 2013:34). / That land still remains under Māori custom, so this Committee has no recommendation.
Synonyms: taunaki, marohi, kupu tohutohu, tohutohu, tūtohunga, rongo, rongorongo, pakū, hau, pūrongo, pūrongorongo, rīpoata
tūtohu
1. (verb) (-a,-ngia,-tia) to point out, indicate, recommend, prescribe, confirm, acknowledge.
Ko ia tonu tētahi o ngā tākuta tuatahi ki te tūtohu i te pire ārai hapū i ngā tau tōmua o te tekau tau atu i 1960 (TTR 200:124). / She was one of the first doctors to prescribe the contraceptive pill in the early 1960s.
See also tūtohi
Synonyms: whakamihi, mihi, whaikupu, marohi, taunaki, tohu, whakaatu, tuhi, tūtohi, whakahahaki, whakaatuatu, tohutohu, arataki
2. (verb) (-a,-tia) to receive a proposal favourably, consent to.
3. (noun) sign, symbol, mark, indication, tag, indicator.
4. (noun) consent, permission, agreement, compliance.
Hopu atu a Tā Hāmi Ārena, te māngai kāwanatanga, ka whakahokia atu aua koha nei me tētehi reta mārō e whakamārama ana, arā, mehemea kīhai i tukua atu aua koha nei mā te ara tika, ā, i runga anō i te tūtohu a te kāwanatanga o Aotearoa, kāti, tē taea e te Piriniha te tango (TTR 1996:243). / These were returned to the high commissioner, Sir James Allen, with a stiff note explaining that if those gifts were not given in the correct way and with the consent of the New Zealand government the Prince was not able to take them.
Synonyms: whakaaetanga
kupu tohutohu
1. (noun) recommendation, advice, guidance.
Ka whakatauria anō kia kimihia ētahi kupu tohutohu i ngā rōia (TTR 1996:167). / It was decided, once again, to seek some advice from the lawyers.
Synonyms: taunaki, marohi, tohutohu, tūtohunga, kupu whakatau
