kaikanohi
1. (verb) to look.
Synonyms: ara
2. (noun) looking.
Kāore pea he hē o te kaikanohi atu, engari kaua rawa te tinana e whai ake i tā te kanohi e kai atu rā (HJ 2015:90). / There's probably nothing wrong with looking, but the body should not pursue what the eye is devouring.
titiro pī
1. (verb) to look askance, look sideways, look at suspiciously, look at with doubt.
Arā anō te reo o te kanohi, tae atu ki te kori o te tinana. Tērā pea kua titiro pī, kua tīkoro rānei ngā whatu, kua puku rānei te rae, kua hī ngā pewa, kua menemene rānei ngā pāpāringa (HKK 1999:7). / Then there's facial expressions and body movements. Perhaps looking askance, rolling the eyes, or looking angry, raising the eyebrows, or smiling.
Synonyms: kōripi, tiro korotaha, titiro korotaha, titiro whakakeko, titiro whakapī, matakarapa, whakarewha, whakarewharewha, tiro pī, korotaha
2. (modifier) dismal, sombre, forlorn, gloomy, despondent, sorrowful.
3. (noun) gloom.
Nā te pōuruuru o te ao nei i noho ai ngā tamariki i hua ai te whakaaro me pēhea e pai ake ai tā rātou noho, e puta mai ai hoki i te ao pōuri nei ki te ao mārama ake (Rewi 2005:74). / Because of the gloominess of this world that the children lived in, the plan developed as to how the way they lived could be improved whereby they could emerge from the dark world into a brighter world.
te āhua nei
1. it looks as though, by the look of things, it would seem, it would appear that, looks like it - an idiom.
Te āhua nei, he pakanga kei te haere. / It looks as though there's a battle about to happen.
Ahakoa anō te kōrero a Eruera kāore ia i mōhio he aha te mea i mau i a ia i te kura o Te Teko, te āhua nei i tōtika tonu ia, nō te mea, nō te tau 1910, ka whai karahipi ia mō te haere ki te kura tuarua o Tīpene i Ākarana (EM 2002:28). / Despite Eruera saying that he did not know what he learnt at Te Teko School, it would seem that he did all right because in 1910 he gained a scholarship to go to secondary school at St Stephens in Auckland.
See also āhua
Synonyms: āhua
titiro korotaha
1. (verb) to look sideways, look askance, look suspiciously.
Nā ēnei mahi a te tangata whai i titiro korotaha ai a Te Rangitāke ki a rātou (TTR 1990:289). / Because of these activities of the settlers Te Rangitāke looked askance at them.
Synonyms: kōripi, titiro pī, titiro whakakeko, titiro whakapī, matakarapa, whakarewha, whakarewharewha, tiro pī, korotaha, tiro korotaha
2. (noun) looking sideways, looking askance, looking suspiciously.
Ahakoa te tautoko a Maihi rātou ko ngā rangatira tokomaha i te kaupapa pāremata Māori ka tīmata tana titiro korotaha ki ngā mahi a te kāwanatanga (TTR 1994:44). / Despite the support of Maihi and the many chiefs for a Māori parliament he began to look suspiciously at what the government was doing.
Synonyms: tiro korotaha
tiro korotaha
1. (verb) to look sideways, look askance, look suspiciously.
He wā anō he tiro korotaha tonu te mahi a te hunga kāinga ki te tākuta Māori nei, nā runga i tō rātou kore mōhio ki tōna kaha ki te whakaora tangata (TTR 1996:278). / For a time the local people looked askance at this Māori doctor, because of their lack of knowledge of his ability to heal people.
Synonyms: matakarapa, titiro korotaha, titiro pī, titiro whakakeko, titiro whakapī, korotaha, whakarewha, whakarewharewha, tiro pī, kōripi
2. (noun) looking sideways, looking askance, looking suspiciously.
Ko te whakaruru, koia te tiro korotaha o ngā whatu nunui, me te whātero ki taha kē (RMR 2017). / The whakaruru facial gesture is where the enlarged eyes stare sideways and the tongue protrudes in the opposite side.
Synonyms: titiro korotaha
titiro whakapī
1. (verb) to look askance, look sideways, look slyly.
Ka titiro whakapī atu te wahine rā ka mea atu, “E hiahia ana koe?” (M 2004:384). / The woman looked slyly at him and said, “Are you attracted?” (M 2004:385).
Synonyms: kōripi, tiro korotaha, titiro korotaha, titiro pī, titiro whakakeko, matakarapa, whakarewha, whakarewharewha, tiro pī, korotaha
whakarewharewha
1. (verb) to look askance, look out of the corner of your eye, look sideways.
Ka riri te tangata, ka titiro whakarewharewha (W 1971:339). / When the man was angry he looked askance.
Synonyms: kōripi, tiro korotaha, titiro korotaha, titiro pī, titiro whakakeko, matakarapa, korotaha, whakarewha, tiro pī, titiro whakapī
whakarewha
1. (verb) to look askance, look out of the corner of your eye, look sideways.
I kite au i te kōtiro e whakarewha ana ki ngā tuhituhinga a tōna hoa. / I saw the girl looking sideways at what her companion was writing.
Synonyms: kōripi, tiro korotaha, titiro korotaha, titiro pī, titiro whakakeko, matakarapa, korotaha, whakarewharewha, tiro pī, titiro whakapī
matakarapa
1. (verb) to look askance, take a quick glance, look sideways.
I matakarapa taku tirohanga atu (G 1853:265). / My look was a quick glance.
Synonyms: tiro korotaha, titiro korotaha, titiro pī, titiro whakakeko, titiro whakapī, korotaha, whakarewha, whakarewharewha, tiro pī, kōripi
2. (noun) blink of an eye.
E haere ana rāpea taua tima, ananā! Me te aha? Me te matakarapa. Otirā ko te haere tonu anō a te tima nei; me waiho te matakarapa mo te rerewē (TWMNT 11/8/1874:201). / How fast that ship travelled! What was it like? It was like the blink of an eye. But the way this ship travelled; the blink of an eye is more applicable to the speed of the railway train.
me te mea nei
1. (particle) as if, it looks as if, it would seem, it looks as though, it's as if, it's as though.
(Te Pihinga Textbook (Ed. 2): 125;)
Me te mea nei nōna kē tōku motokā. / It's as if my car belonged to her.
Me te mea nei e turi ana tērā i te kōrenga nei i aro mai, i tahuri mai rānei. / It's as if she is deaf because she won’t bother to pay attention.
āhua
1. (verb) (-tia) to form, make.
Ka āhua te pā, ko Rangitawhi (W 1971:4). / The pā was made, which was Rangitawhi.
Synonyms: mahi, mea, hangahanga, waihanga, whakahangahanga, whaihanga, hanga
2. (noun) shape, appearance, condition, character, likeness, nature, figure, form.
(Te Pihinga Textbook (Ed. 2): 1-7, 13-20, 94-96, 150-154;)
3. (noun) it looks as though, looks like it, it would seem - in the idiom te āhua nei.
See also te āhua nei
Synonyms: te āhua nei
titiro whakatau
1. (verb) to look intently, stare, look hard, gape, gawk, gaze, watch.
Kātahi anō taua tangata rā ka titiro whakatau atu (NM 1928:52). / Then the man looked intently at him.
Synonyms: whakatātare, whakatare, whakataretare, tiro mākutu, titiro mākutu
2. (noun) bush hawk, New Zealand falcon, Falco novaeseelandiae.
Pērā hoki me Māui-pōtiki i tango rā i te āhua o te kāhu, o te kāeaea, o te ruru, o te kea, o te pekapeka, o te kiore, o te kererū, o te noke hoki; kātahi anō ka mate i a Hine-nui-te-pō i roto i tōna whare i Pōtaka-rongorongo. (JPS 1922:48). / It was thus that Māui-pōtiki took on the form of the harrier hawk, the New Zealand falcon, the morepork, the kea, the bat, the rat, the pigeon, and the worm; until he was finally killed by Hine-nui-te-pō in her house at Pōtaka-rongorongo.
Synonyms: kārewarewa, kāuaua, kāiaia, kaiawa, kārearea
arotahi
1. (verb) (-hia,-tia) to look in one direction, look steadily, focus on, zero in on, concentrate on, take aim.
Nō waenganui o te tekau tau atu i 1920, ka mutu te mahi a Meri Geddes i roto i ngā rōpū wāhine; huri kē ana ia ki te Hāhi hei arotahi māna i waho atu o tōna kāinga (TTR 1996:33). / In the mid 1920s Mary Geddes ended work in women's societies, turning her focus outside her home to the Church.
2. (noun) focus, concentration on.
Mai i te tau 1940, ko te arotahi o taua rōpū, ko te mana motuhake me te tino rangatiratanga o ngā Kuki Airani (TTR 1996:62). / From the 1940s onwards, the focus of the group was the independence and self-determination of the Cook Islands.
3. (noun) lens.
Ko tētahi wāhanga matua o te arotahi, ko tōna puare, te wāhi e uru atu ai te aho (RTA 2014:80). / An important part of the lens is its aperture, the place where the light enters.
Synonyms: mōhiti
tiro
1. (verb) (-hia) to look at, inspect, examine, observe, survey, view.
Nō taua pō i pae mai ai te ruru ki runga i te tuanui o te mahau o Tūtāwake i te marae o Whitianga, e tiro kau iho ana ki ōna whanaunga e whakatakatū ana i te haringa whakamutunga atu o Mōnita ki tana haukāinga (TTR 2000:56). / That night the morepork landed on the porch roof of Tūtāwake, at Whitianga marae, watching his kin preparing for Mōnita's last homecoming.
Synonyms: titiro, mataara, mātātaki, mātaki, mātai, mātakitaki
2. (noun) inspection, gaze.
tirotiro
1. (verb) (-hia) to look about, gaze, peep, investigate, inspect, examine.
Me whiriwhiri ake, me tirotiro te hāngaitanga ki te iwi Māori o ēnei whakaaro kua huaina ake nei (TTT 1/2/1925:179). / We should discuss and investigate the relevance of these ideas discussed above to the Māori people.
Synonyms: whātaretare, whakangeingei, whātare, pīnono
titiro
2. (noun) inspection, gaze.
Ki tāku titiro kua tae tēnei ki te wā e tika ana kia ui tātou ki a tātou tonu ina hoki he nui tonu ā tātou tikanga Māori kua taea e tātou te whakarerekē (TTT 1/11/1921:5). / In my observation we have arrived at the appropriate time to question ourselves because there are many Māori customs that we can change.
