whakatūtū
1. (verb) (-ria,-tia) to set up, erect, construct.
Ka whakatūtūtia ngā rākau nei mō ngā taha o te whare, mō te whatitoka, mō te tuarongo hoki (HP 1991:12). / This timber was erected for the sides of the house, for the doorway and for the back wall.
Synonyms: rahurahu, whakakaupapa
2. (verb) (-ria,-tia) to convene, establish.
Tērā anō ētahi rangatira o Pēwhairangi e whakatūtū hui ana ki Waitangi (TTR 1994:110). / There were some Bay of Islands chiefs who convened meetings at Waitangi.
3. (verb) (-ria,-tia) to parade, perform, carry out manoeuvres.
Ko te ope i tākina atu e Kūkūtai i whakatūtū i raro i te haki o Ingarangi (TTR 1990:42). / Kūkūtai led a contingent which paraded under the Union Jack.
Synonyms: tapa, whakaataata, whakahua, whakahaere, mahi, hahaka, haka, whakarite, whakaatu
4. (modifier) erecting, constructing, building.
I whakahaungia e Rāwiri Puhirake ngā wāhine i āwhina i te mahi whakatūtū tūwatawata i Pukehinahina, kia whakatahi rātau i mua o te kōkiritanga a te ope Pākehā (TTR 1990:212). / The women who had helped in the fortification construction work at Pukehinahina had been ordered to withdraw by Rāwiri Puhirake before the British force attacked.
5. (modifier) establishing, instituting.
He tangata i anga ia ki ngā mahi a te rangatahi Māori, nāna i whakakīkī te mahi whakatūtū kapa haka mō rātou (TTR 1998:132). / He was a person dedicated to the activities of Māori youth and advocated the work of establishing cultural groups for them.
6. (modifier) holding, running, convening, organising.
Pārekareka ana hoki ki a Te Kooti te mahi whakatūtū rērehi hōiho, hai whakamāmā ake pea māna i te mōkinokino o tēnei mea o te pakanga (TTR 1976:218). / Te Kooti also enjoyed holding horse-racing events, perhaps to provide relief from the grim reality of warfare.
Synonyms: whakarērere, oma, omaoma
7. (modifier) parading, drilling.
Kotahi wiki ki Pōneke, he mahi whakatūtū hōia te mahi (HKW 1/5/1902:9). / We were one week in Wellington doing military drills.
Synonyms: tūngārahu
8. (noun) erection, construction, building, raising.
Nā ngā moni hua o te hokonga i ngā rākau tōtara o ngā whenua o ngā Mahupuku i utu te whakatūtū haere i ērā o ngā whare papa rākau nei (TTR 1994:47). / The proceeds of the sale of tōtara trees from Mahupuku lands paid for the construction of these timber houses.
Synonyms: huti, hutinga, hīanga, whakatupu, whakapiki, whakaputu, whakatipu
9. (noun) parade, drill squad, marching group.
He maha ngā whakatūtū kātipa i uru atu te ope Māori hei whakanui i te Tiupiri i te 22 o Hune 1897 (TTR 1996:259). / The Māori contingent participated in many of the military parades to celebrate the Jubilee on 22 june1897.
10. (noun) parade drill, parade, drilling, manoeuvres.
Ka riro katoa mai ō mātau kākahu, pūtu, pēke, ka tīmata te whakatūtū hōia (HP 1991:103). / When we had obtained our uniform, boots and bags the military parade drill began.
