paneke
1. (verb) (-a) to move forward.
Nāwai ā, kua pōhēhē noa iho ngā whakaaro kua pōrauraha noa iho, kātahi ka āhua ngāwari te hau, ka paneke hoki te haere o ā rātou poti, kāore hoki i roa ka kitea e rātou te whenua (TWMNT 17/11/1874:284). / After a time they became bewildered and confused and then the wind abated somewhat and their boats made progress and it wasn't long before they saw land.
Turuki, turuki! Paneke, paneke! (NP 2001:412). / Move, move! Move forward, move forward!
Synonyms: kauneke, katete, koke, pānekeneke, whakaahu whakamua
2. (verb) to pass by, pass through.
Nāna te whakapae ko ētahi o ngā iwi Aryan kōrero Sanskrit (te reo taketake ake o Īnia) i kōrerohia e Müller, i paneke mā ngā moutere ririki o te tonga-mā-rāwhiti o Āhia, ka puta atu ki ngā moutere o Te Moananui-a-Kiwa, tae rawa ake ki Aotearoa nei (Te Ara 2016). / He argued that some of the Sanskrit-speaking Aryans (the original language of India) spoken about by Müller passed through the small islands of South-East Asian and out to the islands of the Pacific, including Aotearoa/New Zealand.
Synonyms: whakatipi, kape, kopa, tohipa, tāhapa, numi, pahemo, pahure, whakahipa, whakataha, taha, tīpoka, pahika, hiemi, hihipa, hemo, hipa, whakatataha
3. (noun) flat bottomed boat, dory.
Arā atu te maha o ngā tikanga hou i kōkuhua atu e Rāni ki te mahinga ika nei i ngā tekau tau atu i 1950, atu i 1960 hoki, pērā i ngā waka matua me ngā paneke hopu kōura toka, tae atu ki te waka wheketere e mahi mai nei i ngā ika i te moana (TTR 2000:57). / Rāni introduced many innovations into the fishing industry during the 1950s and 1960s, such as mother ships and dories for harvesting rock lobster and a factory vessel to process fish at sea.
4. (noun) point (score).
Nuku atu i te 60 ngā paneke katoa i riro i a ia, ā, ka rua nei hoki ngā tarai (TTR 1998:64). / He scored over 60 points, and two tries.
