pūranga
1. (verb) (-tia) to heap up, lie in a heap.
Pūrangatia mā koutou he taonga ki te rangi, ki te wāhi e kore ai e whakakino te huhu, te waikura (KO 15/9/1883:3). / Pile up treasures in heaven for yourselves, in the place where huhu grubs and rust will not damage them.
Synonyms: kāike, pūhangaiti, kāika, tihi, putu, whakaputu, pūkei, kāuki, pū, pūkai, haipū, pīhangaiti, tāwhetawheta, tāwheta, haupū
2. (noun) heap, deck (of cards).
Kia mā ngā huarahi o te pā, kaua e waiho ngā pūranga paru, ngā wāhi katoa hoki e puta ana te haunga (TP 1/1/1900:9). / The streets of the town should be clean, do not neglect piles of filth and all the places emitting unpleasant smells.
See also pūranga moni
Synonyms: pūkei kāri
3. (noun) archive.
Ko te pūranga e kōrerohia ake nei, he pukapuka i tuhia i ngā rā o mua engari e whaimana tonu ana ināianei, ā, haere ake nei (HM 2/1998). / The archive being discussed above are books written in the past but which still have relevance now and into the future.
pūranga moni
1. (loan) (noun) fund, sum of money.
Koia rā i titiro ai ngā Mema Māori i roto i te Pāremata ki ētahi pūranga moni a te iwi Māori kei ngā ringa o ngā Poari, o te Kaitiaki Māori hoki (TTT 1/8/1923:5). / That's why the Māori Members in Parliament looked at some funds of the Māori people that are in the hands of the Boards and the Māori Trustee.
