papatairite
1. (verb) to be level, even surface.
Ko ngā raorao katoa ka whakarewaina ake, ko ngā maunga katoa me ngā pukepuke, ka whakapāpakutia iho: ko ngā wāhi kōpikopiko ka meinga kia tika, ko ngā wāhi taratara kia papatairite (PT Ihaia 40:4). / Every valley shall be exalted, and every mountain and hill shall be made low: and the crooked shall be made straight, and the rough places plain.
Synonyms: apa, kōeke, pātiki, paparanga, kōeketanga, kaupae, taumata, tautika, whakatūpā, tūpā, papatahi, paparite, whakapaparanga, apaapa
2. (modifier) level, even, flat.
I whakamihi te Pākehā ki te wāhi i tū ai te hui, i tū te hunga haka me ngā kōtiro poi ki te wāhi papatairite, ko te mano o te Pākehā i matakitaki iho i te pīnakitanga o te pukepuke, i raro i ngā rākau ātaahua a te Māori (TP 3/1903:2). / The Pākehā praised the place where the gathering was held, where the performing arts group and the poi girls stood. The masses of Pākehā watched from the gentle slope of the hillock, under the beautiful trees of the Māori.
3. (noun) flat land, plain.
Kei te tirotiro haere ngā kairūri rerewē i ngā pāpāringa o ngā maunga, i ngā tihi hoki, i ngā taporetanga, i ngā paritū, i ngā tāheke, i ngā whārua, i ngā papatairite, i ngā tāwharuwharu, i ngā wāhi katoa, kia tika ai tērā karanga mō te rerewē ki Pōneke (KO 15/10/1883). / The railway surveyors are looking about at flanks of the mountains, and at the peaks, depressions, steep cliffs, waterfalls, valleys, plains, gullies, everywhere, so that that call for the railway to Wellington will be on course.
Synonyms: tōtōkau, more, mānia, māmore, kōkau, taramore, tōkau, mahuki, mōkau, momore
