tūmau
1. (verb) to be fixed, constant, permanent, continuous.
He iwi nui te Pākehā, e kore e taea te tatau; kua tūmau hoki tōna noho ki uta nei, e kore e taea te whakaunu; kua hōhonu ki te whenua ngā pakiaka o te rākau e kore e taea te huhuti (TWM 17/7/1869:4). / The Pākehā are a numerous, they can't be counted; and they are living here permanently and cannot be removed; the roots of the tree are deep and will not be pulled up.
2. (verb) to serve as a servant or attendant.
E ruarua nei ngā tau e tūmau tūao mai ana ia i ngā waka tūroro o te rohe o Tūtaenui (TTR 2000:6). / She was serving as a volunteer ambulance attendant in the Marton area for several years.
4. (noun) identity (maths).
Ko te kore (0) te tūmau o te tāpiritanga me te tangohanga. Arā, ki te tāpirihia, ki te tangohia rānei te 0 i tētahi tau, ka noho pūmau tonu te uara o taua tau: 34 + 0 = 34 34 - 0 = 34 (TRP 2010:189). / Nought (0) is the identity of the addition and subtraction. That is, if 0 is added or subtracted, the value of that number remains the same: 34 + 0 = 34 34 - 0 = 34.
tūmau kano
1. (noun) mordant - a substance used to set dyes on fabrics.
Ka kohia mai te hiako o te rākau tutu, o te makomako, o te hīnau rānei. Ka paopaotia kia puta ai te wai o roto. Ka kōhuatia ngā maramara hiako nei me ngā whā kiekie, ā, ka waiho ai mō tētahi wā. Ka kīia tēnei wai, ko te waitumu, ko te tūmau kano rānei, inā koia tāna mahi, he whakapūmau i te tae ki roto i ngā weu o te kiekie (RTA 2014:173). / The bark of the tutu, wineberry or hīnau trees is gathered. It is beaten so that the juice in it emerges. These pieces of bark are boiled with the kiekie leaves and left for a time. This liquid is called the waitumu or the tūmau kano (mordant) because that's its purpose, to fix the dye in the fibres of the kiekie leaves.
Synonyms: waitumu
