herehere
1. (verb) (-a,-tia) to tie up (a number of times), bind, tie, shackle, hobble.
Ā he mea herehere ngā waewae o Ihaka e Rīhari ki te mekameka hiriwa (TW 23/11/1878:589). / And Richard bound Issac’s feet in silver chains.
Synonyms: rino
2. (noun) prisoner, captive, accused.
Ā ko ngā tākuta kua kore i kaha ki te noho roa i ngā puni o ngā herehere (TKO 15/10/1916:7). / And the doctors could not stay long in the camps of the prisoners.
Synonyms: whakatuaki, mauhere, mouhere, mauherehere
whare herehere
1. (noun) prison, jail, custody.
I te 17 o Hune nei, i whakawākia rāua i te Kōti Matua mō te hara tuhituhi pukanoa i ngā ingoa tāngata kē ki ngā tieki tono moni i ngā pēke, ā whakataua ana e te kōti kia kotahi tau mō tētahi, mō tētahi ki te whare herehere (TWMA 20/6/1884:3). / On 17th June they went on trial in the Supreme Court for writing fraudulent cheques and were each sentenced by the court to one year in prison.
Synonyms: whakaherehere
herehere tangata
1. (stative) bondage.
He whakarākeitanga kē tō ia rūma o Te Cottage: nō Īhipa, nō Awherika, no Ingarangi, nō Āhia, he akomanga kura, he rūma herehere tangata. (Townsend, 2018) / Each room in the Cottage had a different theme: Egyptian, African, English, Asian, a school classroom, bondage.
mauherehere
1. (verb) (-hia,-tia) to imprison, arrest, take prisioner - sometimes written as two words, mau herehere.
Ki ētahi kōrero nō muri kē mai a Te Rei-hana-taua i mauherehere ai (M 2007:152). / According to some accounts, it was later that Te Rei-hana-taua was imprisoned.
See also mauhere
2. (modifier) imprisoned, captive, captured.
I tērā wā kua poto tonu te patu o ngā toa o Ngāti Tama, ā, kua hoki mai a Ngāti Tūwharetoa ki ō rātou waka me te hari mai i ngā wāhine mauherehere (NIT 1995:201). / At that time Ngāti Tama's fighters had all been slain and Ngāti Tūwharetoa were returning to their canoes with their captured women.
3. (noun) prisoner, captive, imprisonment, arrest.
Kāore hoki he aha ki a rātou te mauherehere, kāti i ū tonu rātou ki ngā momo porotēhi katoa (Te Ara 2015). / Imprisonment did not concern them, they remained firm to all types of protest.
