waitohu
1. (verb) (-ia,-ina,-ngia) to mark, signify, indicate.
Nā te kāwanatanga i waitohu ngā Pākehā hai rūri i te whenua, hai whakatakoto i te huarahi, hai whakahaere i ngā mahi (TTR 1990:196). / The government employed Europeans to survey the land, to lay out the road and oversee the work.
Synonyms: tohu, matohu, whaitohu, tūtohu, māka, kōiraira, mātānawe, nawe
2. (noun) mark, symbol, brand, logo, signature, motif, sign.
Riro ana nā ngā waitohu me ngā whakakitenga, tae atu ki ngā tohutohu atu a Mere Rikiriki, te take i whakatika ai a Tahupōtiki ki te whakakaupapa i āna tikanga Karaitiana, me te tikanga nui anō hoki a te Tiriti o Waitangi (TTR 1996:171). / The signs and revelations, coupled with Mere Rikiriki's teachings, led Tahupōtiki to develop his Christian-based beliefs and his stress on the importance of the Treaty of Waitangi.
3. (noun) significance, worth, importance.
E kore tātau e mōhio ki te waitohu nui o te wai kia mimiti rawa te puna (Milroy 2016). / We never know the worth of water until the well runs dry (Milroy 2016).
Synonyms: whakaihiihi, tino, māramatanga, hirahira, whakahirahiratanga, hiranga
karaone
1. (loan) (noun) hoe - a long-handled gardening tool with a metal blade used for weeding.
...i oti hoki tā rāua kōrero ko tōna hoa Pākehā i kōrero ai kia 21 tau ka hoki atu te whenua ki a koe, ka mea atu te Māori, “Ororaiti, i a koe māu te karaone.” (TW 16/11/1878:10/578). / ...and he and the Pākehā complete their deal, saying that when 21 years is up, the land will return to you, the Māori says, “All right, you have the hoe.”
2. (loan) (noun) crown.
3. (loan) (noun) sovereign - former gold coin worth one pound.
hēpene
1. (loan) (noun) halfpenny, ha'penny - a former bronze coin worth half a penny.
Kua riro mai i a tātou, ngā tino kūare, kē ake i a rātou, te hokonga o ngā whenua, ki te rua pene me te hēpene, i runga anō i tō tātou mōhiotanga (TW 12/2/1875:4). / We are more foolish than them in selling our land at two pence and half pence, although we had more knowledge.
pārenga
1. (loan) (noun) farthing - a coin and monetary unit once worth a quarter of a penny.
Ko te utu i tae ki te ono kapa me te hēpene mō te pāuna, ko ētahi wūru pai i tae ki te iwa kapa me te kotahi pārenga mō te pāuna (TW 16/11/1878:578). / The price reached 6 1/2 pence per pound, and some fine wool reached 9 1/4 pence [nine pence and a farthing] per pound.
See also pātene
