1. (verb) to fall off bit by bit, fall to pieces.
I pōhēhē hoki he pērā te pōhutukawa, nō te whāwhātanga atu, nā, ngāhorohoro noa iho (JPS 1893:123). / The pōhutukawa was mistaken for a similar species, but in handling the flowers they simply fell to pieces.
2. (verb) to be abundant, fall abundantly.
Ko te whakatipu o Te Hāroto he whīrokiroki, engari he tangata ātaahua, māia anō ki te mahi, ā, i rite anō ki a Te Urukehu, kāre he hamumu o te waha, engari kia kī te puku i te waipiro, ngāhorohoro noa iho te kōrero (EM 2002:16). / Te Hāroto had a lean physique, but he was a handsome man, a capable worker and, just like Te Urukehu, said very little, except when he had a belly full of liquor, when he had lots to say.
3. (verb) to erode.
Nā te mahi a te tangata ki te tope i te ngahere i te hiwi nei, i ngāhorohoro ai te whenua i te wā o te āwhā (RP 2009:296). / It's because of the action of man in cutting down the forest on this hill that the land was eroded at the time of the storm.
4. (modifier) eroded.
Tirohia te whenua ka tohu ai ngā wāhi ngāhorohoro (RP 2009:295). / Look at the land and point out the eroded parts.
5. (noun) erosion.
Mā te mahi a te hau, mā te wai (te awa, te moana rānei), mā te awa kōpaka, mā te mahi a te tangata, a te kararehe rānei e hua mai ai te ngāhorohoro (RP 2009:295). / Erosion can be caused by the action of wind, water (river and sea) and glaciers, or by the actions of people or animals (RP 2009:295).