ariā
1. (noun) likeness, resemblance, notion, idea, concept, theory, feeling, theme - sometimes pronounced āria.
(Te Kōhure Textbook (Ed. 2): 225;)
E rua ngā whakamāramatanga o tēnei kupu: Tuatahi, ko te ariā ko te āhua tērā, ko te ritenga rānei ki tētahi mea, ahakoa he aha taua mea, he ritenga te ariā nō taua mea rā. Tuarua, ko tētahi atu whakamāramatanga ko te whakatinanatanga tēnei o tētahi atua, he rākau pea, he kōhatu pea, he kararehe pea, he manu, he aha kē atu rānei o ngā mea e kitea ana e te kanohi o te tangata (Wh4 2004:225). / There are two explanations of this word: Firstly, the 'ariā' is a form or the likeness of something, regardless of what that is, the 'ariā' is a representation of that thing. Secondly, another explanations is that this is the physical representation of an atua, perhaps a stick, a stone, an animal, a bird or something else that can be seen by the human eye.
Ka tukuna mai e ia ana karere ki te tango i te ariā o Māui, arā i tētahi wāhi o ōna toto, hei mākutu māna M 2006:206). / She sent her messengers to take away the ariā of Māui, that is, some of his blood, for her to perform mākutu on.
Synonyms: tairitenga, ōrite, oho, āhua, taurite, rite, whakaritenga, āhuatanga, ritenga
2. (noun) genie.
3. (noun) physical representation of an atua, visible material emblem of an atua.
He atua a Moekahu, he kurī tōna ariā (W 1971:15). / Moekahu is an atua and his physical representation is a dog.
2. (noun) deep water between two shoals.
Haere ana koe, ko ngā pipi o te āria; ka noho mātou ko ngā pipi o te whakatakere (NP 2001:51). / You go off like pipi in the deep water between two shoals; we remain like pipi buried in the seabed. (A whakataukī suggesting that following a risky path may lead to disaster while a conservative way ensures survival.)
Nō te mea i a Tūahu-māhina tētahi wāhi o te āria haonga ika, arā ko Te Kahikātea i a Tūahu-māhina, ā, ko te nuinga o te āria i a Kāwharu, ko Takapūāhia, ā, he mea kia riro katoa ai taua āria nei i a Tūahu-māhina, koia tana ngākau ki a Te Kanawa kia patua a Kāwharu rātou ko tana iwi (White 4:94-95). / Because Tūahu-māhina had a section of the net-fishing pool, that is Tūahu-māhina had Te Kahikātea, but Kāwharu had the majority of the pool, called Takapūāhia, Tūahu-māhina wanted to obtain the whole of the pool. That was the reason for his request to Te Kanawa that Kāwharu and his people should be killed.
3. (noun) deep pool or bay in a river.
Ka peke i te tahataha, ka tau atu ki te āria (PK 2008:32). / When she jumped from the river bank she landed in the deep pool.
