pakokori
1. (noun) deck house, cabin (of a large canoe).
Ka arahina rāua e Ruru ki runga ki te waka, ā ka haere rāua ki roto ki te pakokori a Ruru noho ai, ka huna rāua e Ruru ki reira (White 2 1889:27). / They were led onto the canoe by Ruru and they went into Ruru's cabin to stay where Ruru hid them.
2. (noun) play-pen (for small children).
Ka ngōki te tamaiti, ka tū ki runga, ka hangaia e te matua, e ngā tīpuna rānei, he pakokori hei tūnga mō te tamaiti i roto, hei ngā kēkē o te tamaiti te tiketike. He mea porohita te mahinga, he mea pou ki te rākau. Ko runga he mea porohita ki te aka tokai ka whakapuru ai a roto ki te hungahunga whitau, ka hoatu te tamaiti ki roto tū ai, kori ai. Ko tēnei tikanga hei homai kaha uaua ki ngā waewae me te tinana katoa. Ka tangi, ka whāngaia e te hākui i roto tonu i te pakokori i te tamaiti e tū ana i runga i ōna waewae, kia pai ai te heke o te kai ki roto i tōna tinana (TPH 15/1/1900:1). / When the child was able to walk and stand up, the father or grandparents made a play-pen for the child to stand in, and its height was up to the armpits of the child. It was made to be circular and held up with wooden sticks. The top was wound with creeper lashing and the inside was padded with soft flax fibre. The child was placed inside to stand up and to play. This practice was to strengthen the legs and the whole body. When it cried, it was fed by the mother right in the play-pen while the child was standing, so that the food went into its body.
