whānako kōrero
1. (verb) to plagiarise.
Ki te whānako kōrero koe i ngā tuhituhinga a tētahi atu tangata, he hara nui tēnā. Ki te hiahia koe ki te unu i te whakaaro, i ngā kupu rānei a tētahi atu, me mātua whakamōhio atu nā wai aua kōrero i tuhituhi. / If you plagiarise the writings of someone else that is a major sin. If you wish to take an idea or the words of someone else, it must be acknowledged who wrote those words.
2. (noun) plagarism.
He ture tā te whare wānanga mō te whānako kōrero, arā te tāhae i ngā whakaaro, i ngā kupu rānei, mai i te ipurangi, i ngā tuhinga rānei ā tētahi atu tangata. / The university has rules for plagarism, that is the theft of ideas or words from the Internet or writings of someone else.
