kauwhata
1. (verb) (-hia,-tia) to recite old legends or genealogies.
Nōna tētahi hinengaro mau pū ki te kōrero, ina hoki, e toru rā kē ia e kauwhata ana i ngā whakapapa o Ngāti Koura me ōna kaupekapeka katoa (TTR 1994:115). / He possessed a prodigious memory, inasmuch as he recited Ngāti Koura genealogies with all its many branches for three days.
2. (noun) séance, human medium of an atua (or spirit).
Kauwhata: He waka nō te atua, he tangata (M 2006:378). / Kauwhata: A human as a medium of an atua.
Nā ka puta ake anō a Te Nākahi i ngā kauwhata a tōna kauwaka hou i a Hōne Tōia (Te Ara 2015). / Now Te Nākahi appeared in séances held by a new medium, Hōne Tōia.
3. (noun) stage, frame.
Ko tētahi kauwhata i hangaia ki mua mai o ngā tahua kai i toe mai nō era atu rangi, ko te roa o taua kauwhata e rima rau putu, ko tētahi i muri atu he mea poto iho. Ko ngā tini kākahu e tukua ana ki ngā manuhiri i whakairia ki runga ki aua kauwhata (TWMNT 4/4/1876:84). / A frame was built in front of the piles of food that remained from the previous days, the length of that frame being five hundred feet, with another shorter one behind it. Many cloaks being given to the visitors were hanging on those frames.
4. (noun) graph.
Ko tā te kauwhata e tohu mai ana, kia piki ake te paemahana, ka kaha ake te tipu o ngā pīni (PK 2008:243). / What the graph shows is that when the temperature climbs the beans' growth is stronger.
