kautere
1. (verb) (-kia) to ship in bulk.
E pakū ana te rongo o Hokianga mō ngā kauri o tōna wao, ā, he nui noa atu kua kauterekia atu ki Ingarangi, ki ngā whenua o tāwāhi ake nei. Ko ngā rākau whakapakoko tino pai i tukua atu ki Ingarangi (MM.TKM 1/2/1855:5). / Hokianga is famous for the kauri trees of its forest, and many have been shipped to England and other countries abroad. The finest wooden spars were sent to England.
2. (verb) to travel in a body.
Nāwai rā nō te marama o Āperira 1864 kua kaokao anō te hunga nei, ka kautere atu mā te takutai ki Maketū (TTR 1994:152). / After a time in April 1864 this group reassembled and travelled in a body along the coast to Maketū.
3. (verb) to float about freely.
I te mea e popoki ana a Rangi-nui i runga i a Papa-tū-ā-nuku, koia i kore ai e pakari te tipu o ngā mea katoa, i kore ai e hua ngā mea katoa, e kautere noa iho ana hoki i te ao pōuri (WW 1913:19). / Because Rangi-nui covered Papa-tū-ā-nuku everything could not grow to maturity, nor could anything bear fruit, they just floated about in the dark world.
