whakatakere
1. (noun) riverbed, bottom of a channel.
He nui ngā kirikiri kua mauria mai i te whakatakere o te awa o Wharekahika mō ngā mahi raima, ā, hei hora haere ki runga i te huarahi (TTT 1/3/1928:746). / There is a lot of gravel that has been brought from the riverbed of the Wharekahika river for making concrete and to spread on the road.
2. (noun) bottom.
E haere ana ahau kia kite i ōku takahoa i te wā kei tamariki ana, ki te whakahou i ngā whakaaro, ki te whakahiato i ngā miro o te taura kua mawheto i ngā tau maha ka toha kei muri, ā, ka mimire anō ki roto i te whakatakere o tōku ngākau (TKO 30/4/1920:6). / I am going to see my friends from the time when I was a child, to refresh my ideas, to collect together the strands of the rope that have loosened in the many years spread out behind me, and to bind them again into the bottom of my heart.
